Qabaqcıl peyk texnologiyasından istifadə edən çinli alimlər “Şimal axını 2” qaz kəmərində baş verən qaz sızmasının miqyasını hesablayıblar. Qaz sızmasının həcmi saatda 70 tona çatıb.
AzerTimes xəbər verir ki, bu barədə “South China Morning Post” məlumat yayıb.
Məlumata görə, qaz kəmərində baş verən insidentdən sonra Çin hökuməti alimlərə atmosferə yayılan metan tullantılarının miqyasını qiymətləndirməyi tapşırıb.
“Bunun üçün Çinin ən qabaqcıl peyklərdən biri olan “Qaofen-5 02″dən istifadə edilib. “Qaofen-5 02″ peyki Çin tərəfindən 2021-ci ilin sentyabrında buraxılıb, o, atmosferə metan emissiyalarını aşkar etmək və ölçmək qabiliyyətinə malik ultrahəssas infraqırmızı sensorlara malikdir”, – deyə bildirilib.