Ruslar Xarkovu Rusiyadakı kimi bədbəxt şəhərlərə çevirməyə çalışırlar. Amma uğur qazana bilməyəcəklər.
AzerTimes xəbər verir ki, bu barədə Xarkov meri İqor Terexov AFP-yə müsahibəsində deyib.
“Gördüyünüz kimi, xarkovlular əllərində silahla şəhərlərini müdafiə edirlər. Bizim şəhərdə doqquz rayonumuz var və onların hamısı müxtəlif intensivliklə, müxtəlif vaxtlarda bombalanır. Sığınacaqlar və metro təhlükəsizdir. Amma şəhərdə elə bir ərazi, elə bir yer yoxdur ki, oranın tam təhlükəsiz olduğunu deyə bilsin”, – Terexov bildirib.