İndi rusların əsas səyləri Donbasda iki istiqamətə cəmlənib. Lakin onlar yavaş-yavaş irəliləyir. Və sentyabrın 15-dək bütün Donetsk vilayətini ələ keçirə bilməyəcəklər. Baxmut bölgəsində isə həftədə cəmi bir kilometr irəliləyə bilirlər.
AzerTimes xəbər verir ki, bu barədə Britaniya kəşfiyyatı məlumat yayıb.
“Ukraynanın son hücumlarının qarşısını almaq üçün göstərdiyi səylərə baxmayaraq, Rusiyanın Ukraynadakı əsas istiqaməti demək olar ki, Donbas olaraq qalır. Bu sahədə uğur qazanan qüvvələr Baxmuta doğru həftədə cəmi 1 kilometr irəliləyir. Rusiyanın siyasi məqsədi Donetsk vilayətinin bütün ərazisini ələ keçirməkdir. Rusiya sentyabrın 15-nə qədər Ukrayna qüvvələrini Donetsk vilayətindən sıxışdırıb çıxarmağa çalışır. Onlar bu məqsədə nail olmayacaqlar. Bu, qondarma referendumların keçirilməsini daha da çətinləşdirəcək”, – məlumatda deyilir.