Rus qoşunları Baxmut və onun ətrafında hücumlarını davam etdirdilər.
AzerTimes xəbər verir ki, bu barədə ABŞ-ın Müharibənin Öyrənilməsi İnstitutunun hesabatında qeyd olunub.
Hesabatda bildirilir ki, geolokasiya təsvirlər Rusiya qoşunlarının şəhərin mərkəzinə doğru irəlilədiyini deməyə əsas verir.
Xüsusilə də, “Vaqner” muzdluları Baxmut hərbi prokurorluğunda dayanırlar və çox güman ki, onlar bu binanı ələ keçiriblər.
Həmçinin bildirilib ki, Rusiya ordusu bölgədə Konstantinovka-Çasov Yar-Baxmut avtomobil yolundan 3 km cənuba doğru da irəliləyib.