Ukrayna Silahlı Qüvvələri gün ərzində Rusiya hərbçilərinin silah və hərbi texnikasının cəmləşdiyi 13 ərazini və onların altı sursat anbarını vurub.
AzerTimes xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
Qeyd olunur ki, Müdafiə Qüvvələrinin aviasiyası bu gün ərzində 17 zərbə endirib:
“Düşmənin silah və hərbi texnikasının cəmləşdiyi on üç məntəqənin, zenit-raket komplekslərinin dörd mövqeyinin məğlubiyyəti təsdiqlənib. Bundan başqa, müxtəlif istiqamətlərdə hava hücumundan müdafiə bölmələri iki helikopteri vurub”.