Rusiya ilə əməkdaşlığa görə Ermənistana ciddi təzyiqlər olacaq.
AzerTimes xəbər verir ki, bunu alman politoloq Aleksandr Rar deyib.
“AB-nin bu yaxınlarda qəbul edilmiş onuncu sanksiya paketinə nəzər salsanız, görərsiniz ki, o, əsasən Rusiya ilə əməkdaşlığa çalışan ölkələri neytrallaşdırmaq və hətta cəzalandırmaq məqsədi daşıyır”, – politoloq bildirib.
Rar qeyd edib ki, Moskva ilə əməkdaşlığı azaltmaq üçün İrəvana da güclü təzyiqlər ediləcək:
“Düşünürəm ki, bununla amerikalılar məşğul olacaqlar. Necə ki, hazırda Mərkəzi Asiyada bu prosesi başladıblar. Cənubi Qafqazda da bunu edəcəklər”.
Xatırladaq ki, fevralın sonunda AB Rusiyaya 10-cu sanksiyalar paketini qəbul edib. Yeni məhdudlaşdırıcı tədbirlərə idxal və ixraca, bank sektoruna və ikili istifadə texnologiyalarına çıxışa əhəmiyyətli məhdudiyyətlər daxildir.