Avropa Birliyi (AB) Rusiyadan almaz idxalına qoyulan qadağa çərçivəsində “Alrosa” və onun baş direktoru Pavel Marinşevi qara siyahıya salıb.
AzerTimes xəbər verir ki, bunu AB-nin xarici siyasət xidmətinin rəhbəri Jozep Borrell bildirib.
“12-ci sanksiya paketində Rusiyadan almaz idxalına qoyulan qadağaya uyğun olaraq, AB bu gün dünyanın ən böyük almaz hasilatı şirkəti olan “Alrosa”nı və onun baş direktorunun adını qara siyahıya salıb”,- o qeyd edib.
Borrel vurğulayıb ki, AB Rusiya almazlarına qarşı sanksiyaları Böyük Yeddilik (G7) ölkələri ilə koordinasiyalı şəkildə qəbul edir.