Hakim Vahid Rusiya Partiyasından olan deputatlar Ukraynadakı hərbi əməliyyatlarda iştirak etmək üçün müraciət ediblər.
AzerTimes xəbər verir ki, bu barədə Vahid Rusiya Partiyasının rəsmisi Andrey Turçak məlumat verib.
“Dövlət Dumasının Sağlamlığın Mühafizəsi Komitəsinin sədri Dmitri Xubezov, Müdafiə Komitəsinin sədr müavini Dmitri Sablin, İqtisadi Siyasət Komitəsinin sədr müavini, Vahid Rusiya Partiyasının Xakasiya Regional şöbəsinin katibi Sergey Sokol, Ailə, Qadın və Uşaq Komitəsinin sədr müavini Vitali Milonov səfərbərlik üçün müraciət ediblər”, – Turçak bildirib.
Onun sözlərinə görə, deputatların ərizələrinə Rusiya Müdafiə Nazirliyi baxacaq.