Rusiya seçki məntəqələrində mürəkkəbi yoxa çıxan qələmlərdən istifadə olunması ilə bağlı iddialar ortaya atılıb.
AzerTimes xəbər verir ki, bununla bağlı görüntülər Rusiya Teleqram kanallarında yayılıb.
Bildirilib ki, bu qələmlərlə bülletenlərə qoyulan işarələr qızdırılanda yoxa çıxır:
“Hamıya seçki kabinələrinə ancaq bu qələmləri qoymağı tapşırdılar. “BiC” şirkətinə məxsus qələmlər prezident seçkilərinin rəsmi emblemi olan qutuda olub.
Eyni qələmlərə Rusiyanın bir çox seçki məntəqəsində rast gəlinir”, – deyə kanal hadisə şahidinin sözlərini yayıb.
Kanalın məlumatına görə, 2009-cu ildən bəri Rusiya seçkilərində “yoxa çıxan mürəkkəb” texnologiyasından istifadə edilir.
Qeyd edək ki, Rusiyada prezident seçkiləri bu gün başlayıb və 3 gün davam edəcək.