Rusiyada seçkilərin ikinci gününün sonunda (20:00) seçici fəallığı 55,10% olub.
AzerTimes xəbər verir ki, bu barədə Rusiya MSK məlumat yayıb.
Bildirilib ki, bu seçici fəallığına məsafədən elektron qaydada səs verənlər daxil edilməyib.
Qeyd edək ki, Rusiyada prezident seçkiləri 15 martda başlayıb və 17 martda bitəcək.
Rusiyada 114 milyon 212 min 734 seçici (112.309.947 seçici ölkə daxilində (bura Ukraynanın işğal olunan ərazilərindəki əhali də daxildir), 1.890.863 seçici ölkə xaricində) qeydə alınıb, onlar 93 min 920 seçki məntəqəsində (269 məntəqə xaricdədir) səs verirlər.
Prezident postu uğrunda 4 namizəd – Vladislav Davankov (Yeni Xalq Partiyası), Vladimir Putin (müstəqil), Leonid Slutski (LDPR) və Nikolay Xaritonov (Kommunist Partiyası) mübarizə aparır.