Rusiya Prezidenti Vladimir Putin Moskvadakı məntəqələrdən birində Konstitusiyaya ediləcək dəyişikliklərlə bağlı ümumxalq səsverməsində iştirak edib.
Rusiya Prezidenti həmişə olduğu kimi bu dəfə də Rusiya Elmlər Akademiyasında yerləşən 2151 saylı məntəqədə səs verib.
O, bir gün əvvəl hər bir vətəndaşın səs verməsinin vacibliyini qeyd edərək vətəndaşları referendumda iştirak etməyə çağırıb. Bildirib ki, 1993-cü il sənədlərinə düzəlişlər yalnız əksəriyyətin razılığı ilə edilə bilər.
Qeyd edək ki, Rusiyada Konstitusiya dəyişikliklərinə dair iyunun 25-də başlayan ümumxalq səsverməsi iyulun 1-i axşamadək davam edəcək.