Rusiya Xersonda Ukrayna Silahlı Qüvvələrinə məxsus üç kateri məhv etdiyini bildirib.
AzerTimes xəbər verir ki, regionun fövqəladə hallar xidmətinin nümayəndəsinin sözlərinə görə, Rusiya tərəfi həmin qayıqların Dnepr çayını keçmək istərkən vurulduğunu açıqlayıb. Məlumatda o da bildirilir ki, Rusiyanın “Dnepr” qoşun qruplaşmasının birləşmələri 12 ukraynalı hərbçini də öldürüb.
“Xerson istiqamətində Rusiya Ukraynanın sutka ərzində 120 mm-lik minaatan ekipajı və “Msta-B” qaubitsasını, Dudçan vilayətinin Kaxov istiqamətində Ukrayna Silahlı Qüvvələrinin doqquz hərbçisini məhv edib”, – deyə məlumatda bildirilib.