Suriya ilə Türkiyə arasında fikir ayrılıqları aradan qaldırıla bilər.
AzerTimes xəbər verir ki, bunu Rusiya xarici işlər nazirinin müavini Mixail Boqdanov deyib.
“Biz tərəflərə onlar arasında dövlətlərarası münasibətlərin normallaşdırılması və ənənəvi Suriya-Türkiyə mehriban qonşuluğunun bərpası maraqlarına uyğun olaraq, qarşılıqlı həll yollarının tapılmasında yardım etməyə davam edəcəyik”, – müavin bildirib.
Boqdanov Türkiyə hərbçilərinin Suriyada olması məsələsinə də toxunub:
“Türkiyə hərbçilərinin Suriyada olmasına gəlincə, onun müvəqqəti mahiyyətini şübhə altına almağa əsasımız yoxdur. Türkiyə tərəfi bunu ən yüksək səviyyədə bəyan edərək, Suriya Ərəb Respublikasının suverenliyi, birliyi və ərazi bütövlüyünə sadiqliyini bir daha təsdiqləyib. Bu mövqe bir sıra Rusiya-Türkiyə sənədlərində, “Astana üçlüyü”nün birgə bəyanatlarında qeyd olunub”.