İrkutskda Su-30 hərbi təyyarəsinin qəzaya uğramasının əsas versiyaları texniki nasazlıq və pilotun səhvidir.
AzerTimes xəbər verir ki, bu barədə Rusiya İstintaq Komitəsinin Mətbuat Xidməti məlumat yayıb
“Hazırda müstəntiqlər qəza yerinə əlavə baxış keçirir, kimyəvi və məhkəmə-tibbi ekspertizaları təyin edilib. Uçuşun texniki sənədləri götürülüb, dağılmış fərdi evin sahibləri, aviaşirkətin rəhbərliyi və əməkdaşları dindirilib”, – məlumatda deyilir.
Qeyd edək ki, ötən gün İrkutskda Su-30 qırıcısı yaşayış evinə çırpılıb. Qəza nəticəsində hər iki pilot ölüb.