Rusiya razıdır ki, dünya dəyişməlidir və heç vaxt buna, o cümlədən BMT çərçivəsində müdaxilə etmir, amma yeni dünyanın yalnız bir ölkənin, xüsusən də ABŞ-ın maraqları üçün qurulmasının əleyhinədir.
AzerTimes xəbər verir ki, bunu Rusiya Prezidenti Vladimir Putin deyib.
“Biz başa düşürük ki, SSRİ dağılandan sonra dünyada vəziyyət dəyişib, yeni güc mərkəzləri yaranıb. Təbii ki, bu, beynəlxalq münasibətlərin qurulmasında prioritetlərə öz təsirini göstərməlidir. Yaxşı, Sovet İttifaqı yoxdur. Amma Rusiya hüquqi mənada SSRİ-nin varisidir”, – Putin bildirib.