Dekabrın 3-nə keçən gecə Rusiya qoşunları pilotsuz təyyarələrlə növbəti dəfə Ukraynaya hücum edib.
AzerTimes xəbər verir ki, bu barədə UNİAN məlumat yayıb.
Bildirilib ki, Primorsko-Axtarsk bölgəsindən ümumilikdə 12 PUA və Belqorod vilayətinin hava məkanından X-59 idarə olunan raket buraxılıb.
Zərbə PUA-ları işğal altında Xerson vilayəti vasitəsilə Nikolayev vilayətinə daxil olublar. PUA-ların əksəri Nikolayevdə, qalanı isə Xmelnitski vilayətinin Starokonstantinov bölgəsində vurulub.
“10 ədəd “Şahid-136/131” hücum PUA-sı vurulub, X-59 raketi isə hədəfə çatmayıb”, – məlumatda qeyd edilib.