Rusiya dünyanın ən böyük beş iqtisadiyyatından biridir.
AzerTimes Rusiya mediasına istinadla xəbər verir ki, bu sözləri Rusiya Prezidenti Vladimir Putin Strateji İnkişaf və Milli Layihələr Şurasının iclasında daxili iqtisadiyyatın vəziyyətindən danışarkən deyib.
O qeyd edib ki, bu, Qərb ekspertlərinin bədbin proqnozlarına baxmayaraq baş verib:
“2022-ci ilin sonunda Rusiya dünyanın ən böyük beş iqtisadiyyatına daxil olub. Dünya Bankının məlumatına görə, Rusiya Federasiyası alıcılıq qabiliyyəti paritetinə görə, iqtisadi həcmə görə Almaniyanı qabaqlayaraq, liderliyə yüksəlib”.
Rusiya lideri bunu “ən vacib göstəricilərdən biri” adlandırıb.