Rusiyanın Sevastopoldakı Qara dəniz Donanmasının qərargahı PUA hücumuna məruz qalıb.
AzerTimes xəbər verir ki, bu barədə Sevastopol qubernatoru Mixail Razvojayev deyib.
“Bu gün donanmanın qərargahının həyətinə PUA düşüb. Donanmanın 5 əməkdaşı yaralanıb, ölən yoxdur. Hadisə yerində FTX araşdırma aparır”, – Razvojayev bildirib.
Onun sözlərinə görə, Hərbi Dəniz Donanması Gününə həsr olunmuş bütün tədbirlər təhlükəsizlik səbəbindən ləğv edilib.