Ukraynada Britaniyanın “Challenger” tankının Rusiya ordusu tərəfindən ələ keçirilməsi və onun Qırmızı Meydanda parad zamanı nümayiş etdirilməsi Londonun hərbi reputasiyasına zərbə olacaq.
AzerTimes xəbər verir ki, bu barədə polkovnik-leytenant Stüart Kroufordun “Ekspress” nəşrinə yazdığı məqaləsində deyilir.
“Moskvada Qırmızı Meydanda nümayiş etdiriləcək ələ keçirilmiş, zədələnməmiş “Challenger 2″nin məlumat effektini təsəvvür edin! Ukrayna və Britaniya hakimiyyət orqanları ehtiyatlı olmalıdırlar, çünki ruslar döyüş meydanında bu maşınlara sahib ola bilərlər”, – o bildirib.
Krouford tankın hansı texnoloji xüsusiyyətlərinin rus mühəndisləri və silah ustaları üçün maraqlı ola biləcəyini açıqlamayıb.