Rusiya ordusu Kremennoy yaxınlığında hücuma keçir, fəallıq Baxmut istiqamətindən də yüksəkdir.
AzerTimes xəbər verir ki, bunu Ukrayna Silahlı Qüvvələrinin Şərq qruplaşmasının nümayəndəsi Sergey Çerevatıy bildirib.
O qeyd edib ki, düşmən ardıcıl olaraq Kremennoy yaxınlığında fəallaşmağa çalışır:
“Xüsusən də bu günlərdə Beloqorovka, Nevski, Serebryanski meşə təsərrüfatı ərazisində düşmən fəallığı müşahidə olunub. Hətta Baxmut istiqamətindən də çox fəallıq buradadır”.
O əlavə edib ki, işğalçılar artilleriya və çoxsaylı reaktiv raket sistemlərindən istifadə edirlər.
Çerevatıy bildirib ki, Rusiya zirehli texnikadan getdikcə daha çox istifadə edir.