Rusiya ordusu ölkənin cənubunda fəallaşıb.
AzerTimes xəbər verir ki, bu barədə Ukraynanın Müdafiə Qüvvələrinin Birgə Mətbuat Mərkəzinin rəhbəri Yevgeni Yerin bildirib.
O qeyd edib ki, düşmən Zaporojye istiqamətində taktiki vəziyyəti yaxşılaşdırmağa çalışır:
“Bəli, düşmən bu istiqamətlərdə fəallığını artırıb. Lakin bunlar adətən bəzi taktiki üstünlüklər əldə etmək və taktiki mövqelərini yaxşılaşdırmaq üçün ayrı-ayrı istiqamətlərdə fəaliyyət göstərən kiçik qruplardır. Hazırda düşmənin bu cəhdləri nəzarət altına alınıb və qarşısı alınıb. Düşmən uğur əldə etməyib. Eyni zamanda, vəziyyət həqiqətən də ağırdır”.
Qeyd edək ki, bir müddət öncə Rusiya tərəfi Krasnopol və Mesopotamiyanı ələ keçirdiyini elan edib.