Rumıniyanın cənub-qərbindəki Qorj rayonunda 4,4 bal gücündə zəlzələ olub.
AzerTimes xəbər verir ki, bu barədə Yer Fizikası Milli İnstitutu məlumat yayıb.
Episentri 15 kilometr dərinlikdə olan zəlzələ nəticəsində tələfat və dağıntılar barədə məlumat verilməyib.
İnstitut ötən həftə Qorj rayonunda qeydə alınan 5 baldan yuxarı iki zəlzələ ilə bağlı toplanmış məlumatların təhlilini dərc edib. Qurumun məlumatına görə, indiyədək 810 afterşok qeydə alınıb ki, onlardan 300-nün maqnitudası 1-1,5, 240-nın isə 1,5-2 bal olub. Fevralın 17-də isə Rumıniyada bir gündə 171 zəlzələ qeydə alınıb.