Rumıniya Avstriyadakı səfiri Emil Hurezeananı məsləhətləşmələr üçün geri çağırıb.
AzerTimes xəbər verir ki, bu barədə Rumıniya Xarici İşlər Nazirliyi məlumat yayıb.
Qeyd olunub ki, buna səbəb Avropa İttifaqının Daxili İşlər və Ədliyyə Şurasının iclasında Avstriyanın Ruminiyanın Şengen zonasına qoşulmasının əleyhinə səs verməsi olub.
Xatırladaq ki, dünən Avropa Birliyinin Daxili İşlər və Ədliyyə Şurası Xorvatiyanın Şengen zonasına daxil olmasını rəsmən təsdiqləyib. Lakin qurum Bolqarıstan və Rumıniyanın Şengen zonasına daxil olması ilə bağlı qərarı dəstəkləməkdən imtina edib.