ABŞ Almaniyanın Ukraynaya “Leopard 2” tanklarının tədarükünü dəstəkləyir.
AzerTimes xəbər verir ki, bunu Bundestaqın müdafiə komitəsinin rəhbəri Mari-Aqnes Ştrak-Çimmerman deyib.
Bu mənim Dövlət Departament, Konqres və Senatda aparılan bütün müzakirələrim zamanı öz təsdiqini tapdı. Tərəfdaşlarımız Almaniyanın öhdəliklərini yerinə yetirməsini gözləyirlər. Biz Ukraynanı tərk etməməliyik. Tanklar lazımdır”, – Çimmerman bildirib.
Qeyd edək ki, fevralın 24-də müharibə başlayandan bəri Almaniya Ukraynaya tank verilməyəcəyini bəyan etmişdi. Rəsmi Berlin bu qərarını onunla əsaslandırırdı ki, tankların verilməsi eskalasiyanı daha da artıracaq.