Abşeron rayonunda top mərmisi aşkarlanıb.
Fövqəladə Hallar Nazirliyindən AzerTimes-a verilən məlumata görə,
nazirliyin “112” qaynar telefon xəttinə Abşeron rayonu, Qobustan
kəndinin ərazisində hərbi sursatın aşkar edilməsi barədə məlumat
daxil olub.
Məlumatla əlaqədar dərhal FHN-in Xüsusi Riskli Xilasetmə
Xidmətinin (XRXX) minalardan təmizləmə üzrə çevik qrupu hadisə
yerinə cəlb edilib.
Hüquq-mühafizə orqanlarının əməkdaşları ilə birgə ərazidə
müvafiq təhlükəsizlik tədbirləri görüldükdən sonra hadisə yerinə
baxış zamanı aşkar edilmiş sursatın bir ədəd təlim-atış xarakterli
100 mm-lik top mərmisi və onun döyüş başlığı olduğu müəyyən
edilib.
Sursat XRXX-nin çevik qrupunun mütəxəssisləri tərəfindən
zərərsizləşdirilməsi üçün ərazidən götürülərək kənarlaşdırılıb.
Hadisə yerində və ona yaxın ətraf ərazidə əlavə axtarış zamanı
başqa hər hansı təhlükəli və ya şübhəli əşya aşkar edilməyib.