Qırğızıstan parlamentinin spikeri Nurlanbek Şakievin başçılıq etdiyi nümayəndə heyəti Azərbaycana işgüzar səfərə gəlir.
AzerTimes xəbər verir ki, səfər çərçivəsində spiker Azərbaycan xalqının Ümummilli Lideri Heydər Əliyevin 100 illik yubileyi ilə bağlı tədbirlərdə iştirak edəcək, həmçinin bir sıra yüksək səviyyəli görüşlər keçirəcək.
Bundan başqa, spiker Türkdilli Dövlətlərin Parlament Assambleyasının baş ofisinə baş çəkəcək və onun fəaliyyəti ilə tanış olacaq.