Aprelin 17-i Güney Azərbaycanın Qəzvin şəhərində tibb işçiləri etiraz aksiyası keçiriblər.
AzerTimes xəbər verir ki, əyalət valiliyinin binası qarşısına toplaşan işçilər qanunla nəzərdə tutulan hüquqlarının pozulmasına etiraz ediblər.
Etirazçılar inflyasiyanın səviyyəsi ilə əmək haqlarının uyğun olmadığını, maaş artımı və əlavə ödənişlərlə bağlı vədlərin yerinə yetirilmədiyini bildiriblər.
Qeyd edək ki, İranda az əmək haqqı aldıqlarına və dövlət tərəfindən yetərli qayğı görmədiklərinə görə son illər həkim, tibb işçisi və tibb bacılarının xaricə axını çoxalıb.