Bir neçə həftədir Çindən Rusiya ərazisinə iri yük təyyarəsi sayılan “Ruslan”la hərbi təyinatlı uçuşlar edir. Bu, artıq NATO üçün bir siqnaldır.
Bu fikirləri AzerTimes-a tanınmış rusiyalı politoloq Sergey Markov deyib.
“Özü də “Ruslan”ın biri eniş edir, o biri qalxır. Bu proses artıq bir neçə həftədir davam edir. Yükün hansı hərbi mallardan ibarət olması barədə məlumat gizli saxlanılır. Bu kütləvi daşınma NATO ölkələrində narahatlıq doğurur – görəsən Rusiya Çindən gələn hərbi yükləri daha sərfəli olan dəmir yolları ilə niyə gətizdirmir? Bu sual bu dəqiqə NATO-nu maraqlandıran başlıca məsələdir. Moskvanın daha sürətli hava nəqliyatını seçməsinə səbəb Rusiya ordusunun tezliklə Ukraynada genişmiqyaslı hücuma keçəcəyinə dair bir işarədir”, – deyə ekspert qeyd edib.