Ermənistan Təhlükəsizlik Şurasının katibi Armen Qriqoryanla hakim “Mülki Müqavilə” partiyasının nümayəndələri arasında münasibətlər gərgin inamsızlıq zonasına keçib.
AzerTimes xəbər verir ki, bu barədə “Hraparak” qəzeti məlumat yayıb.
“Paşinyanın rəhbərlik etdiyi siyasi birlikdə qərbyönül Qriqoryanla əvvəlki isti münasibət artıq yoxdur. Hamı görür ki, Qriqoryan Qərbdə seçilir və hətta Paşinyanın varisi sayılır. Nikol Qərbin tələblərini yerinə yetirməsə, yəni Azərbaycanla sülh sazişi imzalamaqdan boyun qaçırsa və Rusiyaya qarşı aydın siyasət yürütməsə, o zaman onun yerinə bu planlarını tərəddüd etmədən və böyük məmnuniyyətlə həyata keçirəcək Qriqoryanın keçəcəyi istisna edilmir. Paşinyan əvvəlcə bu ssenarini ciddi qəbul etmirdi, amma indi Qriqoryanın Qərblə müstəqil oyunundan narahat olmağa başlayıb”.