Aprelin 5-də Brüsseldə ABŞ-AB-Ermənistan sammitində İrəvana elan edilən illik maliyyə yardımı 140 milyon dollardır.
AzerTimes xəbər verir ki, bu barədə Ermənistanın sabiq baş naziri Qrant Baqratyan deyib.
O bildirib ki, 2024-cü il üçün AB 67,5 milyon avro (4 il üçün 270 milyon avro), ABŞ 65 milyon dollar, həmçinin Qarabağdan köçən ermənilər üçün 7 milyon dollar olmaqla, ümumilikdə 140 milyon dollar yardım ayrılıb.
“Rusiyadan isə 2024-cü ildə nağd pul axını 14 milyard dollar təşkil edəcək. Belə ki, transferlər 5 milyard dollar, ixrac 8 milyard dollar və yanacaq subsidiyaları 1 milyard dollar. Qərbin verdiyi Rusiyadan gələnlərin 1 faizini təşkil edir”, – o bildirib.