Milli Məclisin Mədəniyyət komitəsinin sədri Qənirə Paşayeva Türkiyədə baş verən dəhşətli zəlzələnin irimiqyaslı faciəvi nəticələri ilə bağlı çağırış edib.
AzerTimes xəbər verir ki, millət vəkili Qəhrəmanmaraş başda olmaqla, qardaş Türkiyənin on vilayətində baş vermiş böyük təbii fəlakət nəticəsində ev-eşiksiz qalan insanlara təxirəsalınmadan yardım əli uzatmağın indi hər bir türkün, hər bir xeyirxah və vicdanlı insanın mənəvi borcu olduğunu deyib.
“Mən də AFAD (Türkiyə) və Qızıl Aypara (Azərbaycan) platformaları üzərindən özümün bir aylıq maaşımı ianə etdim, amma ürəyimiz bununla toxtaqlıq tapmır. Zəlzələ bölgəsində durum ağırdır və bu soyuq günlərdə hər birimiz özümüzü orada hiss edərək, davranmalıyıq.
Qardaş Türkiyə üçün dualarınızı əskik etməyin!
Tanrı bütün xeyirxahları qorusun!
#birmillətikidövlət #SəninləyikTürkiyə”, – millət vəkili qeyd edib.