Yalan məlumatlarla beynəlxalq ictimaiyyəti aldatmağa çalışan Qarabağdakı separatçıların daha bir yalanı ifşa oldu.
AzerTimes xəbər verir ki, görüntülərdən də aydın olduğu kimi, separatçılar heç də “humanitar böhran” yaşamırlar və ac qalmayıblar.
Hətta neçə gündür ki, erməni blogerlər də Xankəndində ərzaq və ehtiyac duyulan digər vasitlərdə hər hansı çatışmazlığın olmadığını bildirirlər. Xankəndində olan yığıncaqlar, mərasimlər də bunu təsdiqləyir.
Qeyd edək ki, Ermənistan hakimiyyəti başda olmaqla, Qarabağdakı separatçı rejimin qalıqları artıq uzun zamandır müxtəlif yollarla dünya ictimaiyyətini, beynəlxalq təşkilatları inandırmağa çalışırlar ki, guya Azərbaycan Laçın yolunda sərhəd-buraxılış məntəqəsi qurmaqla Qarabağ ermənilərini blokadaya alıb, onlar üçün humanitar böhran vəziyyəti yaradıb, guya ermənilər ərzaq çatışmazlığı ilə üz-üzədirlər. Lakin məhz elə Xankəndidən yayılan kadrlardan da dəfələrlə şahid olmuşuq ki, bütün bu iddialar ağ yalandır, həqiqəti əks etdirmir, qondarma rejimin və Ermənistan hakimiyyətinin növbəti qarayaxma kampaniyasından başqa bir şey deyil. Bu kadr bir daha deyilənləri təsdiqləmiş olur.