Plzendə “Qarabağ”a qalib gəldiyimiz və Çempionlar Liqasının qrupuna vəsiqə qazandığımız gün heç vaxt yadımdan çıxmayacaq.
AzerTimes xəbər verir ki, bu sözləri “Viktoriya”nın (Plzen, Çexiya) prezidenti Adolf Şadek Çempionlar Liqasının pley-off mərhələsində evdə “Qarabağ”a qalib gələrək (2:1) qrupa adladıqları matçdan danışarkən deyib.
“Həmin gün qızım dünyaya gəldi. Həmin an düşündüm ki, axşamkı oyunda da bir yüksəliş olmalıdır. Komandamız isə hər şeyi maksimum səviyyədə etdi”, – Şadek bildirib.
Qeyd edək ki, ÇL-in 2022-2023 mövsümünün Bakıdakı ilk pley-off matçında qolsuz heç-heçə qeydə alınıb. Cavab oyununda isə “Viktoriya” 2:1 hesablı qələbə qazanıb.