UEFA Konfrans Liqasının pley-off mərhələsində “Qarabağ” və
Fransanın “Marsel” klubları arasında keçiriləcək cavab oyununun
biletləri fevralın 13-də satışa çıxarılacaq.
AzerTimes-ın
məlumatına görə, bu barədə Ağdam klubunun rəsmi saytında
deyilib.
Məlumata əsasən, saat 11:00-dan kassalarda olacaq biletlərin
qiyməti müvafiq olaraq 5, 15, 40, 75 və 100 manat təşkil edir.
Biletləri Respublika stadionun kassalarından saat 11:00-dan
21:00-dək, “Park Bulvar”dakı “Qarabağ” FK-nın Fan-Şopundan saat
11:00-dan 20:00-dək, “28 Mall” və “Gənclik Mall” ticarət
mərkəzlərindən saat 10:00-dan 22:00-dək almaq olar.
Eyni zamanda “Iticket.az”ın satış məntəqələrində və “iticket.az”da onlayn satış təşkil olunacaq.
Fevralın 24-də Tofiq Bəhramov adına Respublika stadionunda
keçiriləcək oyuna COVID-19 pandemiyası ilə əlaqədar stadion
tutumunun 50 faizi qədər azarkeş buraxılacaq.
Qeyd edək ki, görüş saat 21:45-də başlanacaq.