Rusiya Prezidenti Vladimir Putinlə bağlı təəccüblü iddia ortaya atılıb. Son illərdə səhhətinin pisləşdiyi bildirilən Putin ötən günlərdə qatıldığı tədbirdə çıxışı zamanı başındakı iz ilə müzakirələrə səbəb olub.
AzerTimes Musavat.com-a istinadən xəbər verir ki, Rusiya liderinin başındakı indiyə qədər görülməmiş qara ləkəyə diqqət çəkən ekspertlər və sosial media istifadəçiləri Putinin səhhətinin pisləşdiyini iddia ediblər.
Gələn həftə 71 yaşı tamam olacaq Putinin səhhəti ilə bağlı Kremldən açıqlama verilməyib.
Bəzi sosial media istifadəçiləri Putinin xərçəng xəstəliyinə tutulduğunu və səhhətinin daha da pisləşdiyini bildiriblər.