Vladimir Putindən qorxmaq yox, ona hörmət etmək lazımdır.
AzerTimes xəbər verir ki, bunu Rusiya Prezidentinin mətbuat katibi Dmitri Peskov Aleksey Navalnının silahdaşı Leonid Volkova hücumla bağlı sualı cavablandırarkən deyib.
“Bu, Litvada baş verib. Putindən qorxmaq lazım deyil, Putinə hörmət etmək, onu dinləmək lazımdır. Başqa ölkədə baş verənləri şərh edə bilmərik”, – o bildirib.
Qeyd edək ki, martın 12-də Vilnüsdə Volkov naməlum şəxslər tərəfindən hücuma məruz qalıb. O, bu hücumu “Putinin salamı” adlandırıb. Müxalifətçiyə hücumdan sonra Litva Prezidenti Gitanas Nauseda deyib ki, burada heç kim Vladimir Putindən qorxmur.