Soçidə Rusiya Prezidenti Vladimir Putinin Ermənistan Baş naziri Nikol Paşinyanı və Azərbaycan Prezidenti İlham Əliyevi yola salma mərasimindən görüntülər paylaşılıb.
AzerTimes xəbər verir ki, görüntülər “Kremlyovski Pul RİA” Tvitter səhifəsində yayımlanıb.
“Qonaqların dünənki yola salınma mərasimindən. Putin kiminsə əlini sıxdı, kimisə qucaqladı”, – paylaşımda qeyd olunub.
Kadrlarda Putinin birinci Nikol Paşinyanı yola saldığı görüntülənir. Putin erməni baş naziri yola salarkən onun sadəcə əlini sıxır. İlham Əliyevi yola salanda isə Rusiya prezidenti azərbaycanlı həmkarı ilə qucaqlaşır.