Rusiya insanların düşündüyü qədər güclü deyil. Hərbi baxımdan Rusiyanın Ukraynadakı müharibəsi şübhəsiz ki, qəddardır, lakin daxildə Rusiyanın repressiv sistemi zəiflik əlamətlərini göstərir. AB-nin Rusiyaya qarşı Ukraynaya yorulmadan dəstək verməsi çox vacibdir.
AzerTimes xəbər verir ki, bu sözləri Almaniya kansleri Olaf Şolts deyib.
“Əgər Rusiya prezidenti düşünürsə ki, bu müharibədə biz zəifləyənə qədər gözləmək lazımdır, deməli, səhv edir. Biz lazım olduğu qədər Ukraynanı dəstəkləyəcəyik. Biz – Almaniya və Fransa, Veymar üçbucağı, bütün Avropa Birliyi – bilirik. Və bu, bizim bütün qərarlarımızla Rusiyaya göndərdiyimiz siqnaldır”, – Almaniya kansleri vurğulayıb.
Şolts AB çərçivəsində silah istehsalı sahəsində əməkdaşlığın gücləndirilməsinə dəstəyini ifadə edib.