Rumıniya prezidenti Klaus İohannis ölkədə PUA-nın yeni fraqmentlərinin aşkar edilməsi ilə bağlı NATO-nun baş katibi Yens Stoltenberqə məlumat verib.
AzerTimes xəbər verir ki, bu barədə Rumıniya Prezident administrasiyasının saytı məlumat yayıb.
İohannis bildirib ki, Rusiya ordusunun istifadə etdiyinə bənzəyən yeni PUA fraqmentlərinin aşkarlanması ciddi narahatlıq doğurur və risklər yaradır. O, Rumıniyanın NATO üzvü olduğunu da vurğulayıb.
Qeyd edək ki, ötən gün Rumıniya hərbçiləri Rusiya ordusunun istifadə etdiyi PUA-nın yeni qalıqlarını aşkar ediblər.