Polad Həşimov ölümü ilə də Vətəninə xidmət etdi, xalqımızın milli ruhunu oyandırdı. Bu oyanış bizi Qarabağa apardı və torpaqlarımız işğaldan azad edildi.
AzerTimes xəbər verir ki, bunu Azərbaycanın Milli Qəhrəmanı, şəhid general-mayor Polad Həşimovun bacısı Kəmalə Həşimova jurnalistlərə açıqlamasında deyib.
“Qardaşım Polad Həşimovla qürur duyuram. O, insanların xatirəsində hər zaman Milli Qəhrəman kimi yaşayacaq. Polad Həşimovu daim xoş xatirələrlə yad etdiyi üçün xalqıma minnətdarlığımı bildirirəm”, – deyə şəhid bacısı qeyd edib.