Rusiya və Ermənistan arasında sıx təmaslar Qarabağda sülhməramlıların hərəkətləri ilə bağlı məsələlərin aydınlaşdırılmasına kömək edəcək.
AzerTimes xəbər verir ki, bunu Kremlin mətbuat katibi Dmitri Peskov deyib.
“Əsas başlanğıc nöqtəsi olan üçtərəfli sənədlər var. Əsas odur ki, tərəflər bu sənədlər üzrə götürdükləri bütün öhdəlikləri yerinə yetirsinlər. Suallar varsa, təbii ki, onlara cavab verilməlidir. Amma eyni zamanda, erməni tərəfi ilə müxtəlif səviyyələrdə mövcud olan yaxın təmaslarımız mövcud məsələlərə aydınlıq gətirməyə imkan verəcək”, – Peskov bildirib.
Qeyd edək ki, Ermənistanın Baş naziri Nikol Paşinyan hökumətin iclasında Qarabağdakı son olayların Rusiya sülhməramlılarının fəaliyyəti ilə bağlı bir sıra suallar doğurduğunu demişdi.