Ermənistanın Baş naziri Nikol Paşinyan Türkiyə lideri ilə təmasları vacib adlandırıb. Ermənistan parlamentində 2023-cü ilin büdcə layihəsinin müzakirəsi zamanı Baş nazir bu il Rəcəb Tayyib Ərdoğanla telefon danışığı apardığını, daha sonra isə bu yaxınlarda Praqada görüş olduğunu xatırladıb.
AzerTimes xəbər verir ki, bu barədə “Sputnik Ermənistan” məlumat yayıb.
“Vəziyyəti təhlil edəndə başa düşdüm ki, bu ilin avqust-oktyabr aylarında Türkiyə tərəfi ilə təmaslar zamanı biz kommunikasiya çətinliklərini dəf edə bilmişik”, – o bildirib.