Özbəkistanda növbədənkənar prezident seçkilərinin keçirilməsi haqda Özbəkistan Prezidenti Şövkət Mirziyayev fərman imzalayıb.
AzerTimes xəbər verir ki, bu barədə Prezidentin Teleqram hesabında məlumat yayılıb.
“Yenilənmiş konstitusiyanın 128-ci maddəsi ilə ölkə prezidentinə verilən səlahiyyətlərdən istifadə edərək, mən ikinci mühüm fərman imzaladım. Buna əsasən, ölkəmizdə prezident seçkiləri vaxtından əvvəl keçiriləcək”, – prezident dövlət xadimləri ilə görüşündə bildirib.
Qeyd edək ki, bu, Özbəkistanda dövlət başçısının səlahiyyət müddətinin 5 ildən 7 ilə uzadılması ilə bağlı konstitusiyaya dəyişiklik edildikdən sonra ilk prezident seçkiləri olacaq.