Azad olunan ərazilərdə yerləşən bölmələrin birində xidmət edən əsgər Əli Novruzovun doğum günü qeyd edilib.
AzerTimes Baku TV-yə istinadən xəbər verir ki, bu münasibətlə ona müdafiə naziri general polkovnik Zakir Həsənovun hədiyyəsi təqdim olunub, tort kəsilib.
Uşaq evində böyüyən əsgər Əli Novruzov 11 aydır işğaldan azad olunmuş torpaqlarda xidmət etdiyini, bunun üçün qürur hissi keçirdiyini deyib.
Əsgər Əli Novruzov ad günündə ona göstərilən diqqət və qayğıya görə hər kəsə təşəkkürünü bildirib.