Teymur Rəhimov Fövqəladə Hallar Nazirliyinin (FHN) Rəqəmsal Texnologiyalar və İnnovasiyaların İnkişafı Baş İdarəsinə rəis təyin edilib.
AzerTimes Qaynarinfo.az-a istinadən xəbər verir ki, bu barədə fövqəladə hallar naziri general-polkovnik Kəmaləddin Heydərov müvafiq əmr imzalayıb.
Xatırladaq ki, bu ilin sentyabr ayında Rəqəmsal Texnologiyalar və İnnovasiyaların İnkişafı Baş İdarəsinin rəisi, polkovnik Elçin Mirzəxanov 55 yaşında qəfildən vəfat edib. Ötən ilin noyabr ayına qədər onun vəzifəsini sözügedən Baş idarənin rəisinin birinci müavini Nicat Əliyev icra edirdi.