Ukrayna ilə Rusiya arasında münaqişə uzun müddət davam edəcək və hətta 2025-ci ildə də bitməyəcək.
AzerTimes xəbər verir ki, bunu NATO Baş katibinin müavini Mirça Coana bildirib.
“Mənim çağırışım uzunmüddətli müharibəyə hazırlaşmaqdır. Müharibə 2024-cü ildə, bəlkə 2025-ci ildə də dayanmayacaq. Biz ordunun bu və ya digər şəkildə həlledici qələbəyə nail olmaq qabiliyyətini görmürük. Uzunmüddətli müharibə gözləyirik: kiçik hücumlarla, əks-hücumlarla, ərazilərin zəbt edilməsi və itirilməsi ilə davam edən müharibə…” – M.Coana qeyd edib.
Onun sözlərinə görə, NATO ukraynalılara dəstəyini davam etdirəcək.
O, Rusiya hərbçilərinin Rumıniya sərhədinə mümkün yaxınlaşmasının qarşısının alınmasının vacib olduğunu da vurğulayıb.