Rusiyanın Ukraynaya qarşı apardığı müharibədə 20-dən çox rus generalı həlak olub.
AzerTimes xəbər verir ki, bu barədə “Nikkei” nəşri Yaponiya kəşfiyyatına istinadla məlumat yayıb.
Nəşrin məlumatına görə, məlumatlar ABŞ və digər Avropa ölkələri ilə əməkdaşlıq nəticəsində əldə edilib.
Yaponiya Quru Qoşunlarının keçmiş baş qərargah rəisi, general Kiyefumi İvat bu rəqəmləri inanılmaz dərəcədə böyük adlandırıb və generalların ölümünün əsgərlərin döyüş ruhuna pis təsir göstərdiyini deyib.
Yaponiya kəşfiyyatı bildirib ki, Ukrayna hərbçiləri rus komandanlığının yerini aşkar etmək üçün mobil telefon siqnallarından istifadə edə bilərlər.