Ukraynanın əməkdar artisti Svetlana Loboda müharibə nəticəsində darmadağın edilmiş İrpen şəhərində olub.
AzerTimes xəbər verir ki, İnstaqramda video paylaşan müğənni böyüdüyü şəhərdən heç bir əsər-əlamət qalmadığını, yerlə-yeksan edildiyini bildirib.
“Bilmirəm, ukraynalıların hər şeyi bağışlamaları üçün nə baş verməlidir! Müharibənin 112-ci günü”, – Loboda İnstaqramda yazıb.
Daha sonra müğənni dağılmış körpünü və evləri öz gözləri ilə görüb, yerli sakinlərlə və şəhərin meri Aleksandr Markuşinlə söhbət edib.