Son 10 ildə dövlət ümumtəhsil müəssisələrində çalışan müəllimlərin əmək haqları 3 dəfə artıb.
AzerTimes xəbər verir ki, bunu elm və təhsil naziri Emin Əmrullayev bu gün keçirilən brifinqdə deyib.
Onun sözlərinə görə, sertifikasiyası imtahanından sonra müəllimlərin əmək haqlarına minimum 10 faiz, maksimum 35 faiz əlavələr edilib.
Qeyd edib ki, seritfikatlaşdırma imtahanından sonra müəllimlərin yüksək əmək haqqı 1195 manat, orta əmək haqqı 975 manat təşkil edir. Sertifikasiyadan keçməyən müəllimlərin əmək haqqı isə 760 manatdır.
Nazirin sözlərinə görə, 2 ildən sonra müəllimlərin əmək haqqı 1000 manatdan yüksək olacaq.
“Ölkə üzrə sertifikatlaşdırmanın əhatəsi artdıqca orta aylıq əmək haqqı məbləğində növbəti 4 il ərzində 15 faiz artım gözlənilir. Müəllimlərin orta aylıq əmək haqqı 2024-cü ildə 840, 2025-də 880, 2026-cı ildə 910 manat olacaq”, – nazir qeyd edib.