Moskvada qarın səviyyəsi 33-38 santimetrdir. Bu, 1989-cu ilin rekordunu üstələyir.
AzerTimes xəbər verir ki, bunu “Fobos” hava mərkəzinin mütəxəssisi Yevgeni Tişkovets deyib.
“Bu gün səhər Tuşino rayonunda qarın hündürlüyü 33, Balçuqda isə 38 santimetrə çatıb. Bunlar adətən fevral ayında baş verən qar örtüyünün maksimum iqlim göstəriciləridir. Üstəlik, statistik məlumatlara görə, bütün meteorologiya tarixində bu gündə belə qar olmayıb. Sonuncu dəfə oxşar şey yalnız 1989-cu ildə – 31 santimetr, 1993-cü ildə isə 30 santimetr müşahidə olunub.”, – Tişkovets bildirib.
Onun sözlərinə görə, Podmoskovye də isə qarın hündürlüyü 35-43 santimetrə çatıb.
Qar örtüyünün daha da yüksələcəyi ehtimal olunur.